Пет европски гиганти се „тепаат“ за Асенсио

Иднината на Марко Асенсио во Реал Мадрид е неизвесна, па неколку заинтересирани клубови веќе работат на трансферот.

„Кралевите“ веќе подолго време работат на трансферот на Килијан Мбапе и се убедени дека само прашање на време е кога Французинот ќе пристигне во Мадрид, па поради тоа се спремни да го продадат Асенсио.

Шпанските медиуми пренесуваат дека Асенсио не е задоволен од статусот кој го има во тимот, па сериозно размислува да го напушти клубот на крајот на сезоната.

Најсилен интерес за Шпанецот покажуваат англиските гиганти Ливерпул и Арсенал, кои веќе стапиле во контакт со неговиот агент. Покрај нив, интерес за Асенсио покажуваат уште Милан, Јувентус и Тотенхем.

Битката за потписот на Асенсио веќе започна, а Реал е спремен да го пушти за сума од 50 милиони евра.