„Перез без размислување би го вратил Мурињо, ама тоа ќе доведе до „војна“ во соблекувалната“

Пордолжуваат шпекулациите околу можната промена на клупата на Реал Мадрид, а како наследник на Зинедин Зидан често пати се споменува Жозе Мурињо.

Наводно претседателот на Реал Мадрид Флорентно Перез е одлучен во намерата да го врати Мурињо во случај Зидан да си замине.

Новинарот на „Мундо Депортиво“, Франсеск Агиљар смета дека такво сценарио би донело „граѓанска војна“ во соблекувалната.

„Флорентино на местото на Зидан со задоволство би го довел Мурињо, но тоа би било причина за „граѓанска војна“ во соблекувалната, а таа војна би ја предводел Серхио Рамос. Поради тоа постојат подобри решенија. Мислам дека Алегри кој и понатаму го одбива Манчестер Јунајтед може да биде добро решени“, изјави Агиљар.

Со Реал се поврзува со Маурисио Покетино од Тотенхем, меѓутоа Зидан сигурно ќе има уште некое време да ја поправи работата.