Пеналите секојдневие на Мундијалот, ќе падне ли нов рекорд?

Светското првенство во Русија го обележија големиот број на пенали.

До сега беа досудени дури 13, а верувале или не, толку беа досудени на целото Светско првенство пред четири години во Бразил. Бројките велат дека во досегашните 32 натпревари видовме 13 пенали, а во Бразил беа досудени исто толку во 64 натпревари. На се многу влијаеше ВАР технологијата, по што беа досудени некои од пеналите.

„ФИФА е задоволна од досегашното судење и успешното спроведувае на системот ВАР, што позитивно беше прифатено во фудбал заедницата. Среќни сме што тоа е така“, изјави Џовани Марти, водителот за медиумите на ФИФА.

Вреди да се напомене дека во 2002. година во Јапонија и Јужна Кореја беа досудени 18 пенали и тоа првенство го држи рекордот, но дефинитивно Мундијалот во Русија би можел да го сруши тој рекорд, односно да постави нов.