Пеле повторно примен на интезивна нега

Легендарниот Пеле повторно е примен на интезивна нега во болницата во Сао Паоло од каде што беше пуштен на почетокот на месецот после операцијата на туморот.

Операцијата на Пеле беше оценета како успешна, а и самиот Пеле се огласи и порача дека се чувствува одлучно. Се пошегува дека е спремен да одигра 90 минути, плус продолженија.

Сега „ЕСПН“ објави дека Пеле е превентивно хоспитализиран. Како што се известува, Пеле бил надвор од животна опасност, но сепак докторите одлучиле дека е подобро да биде под нивни надзор.