Пад на интересот за германски фудбал

Сериозен пад на интересот за фудбал во Германија покажува статистиката на националната телевизија ARD.

И покрај отсуството на навивачи на трибините, многу помалку луѓе ги гледале натпреварите на телевизија после продолжувањето на првенството.

Финалето на германскиот Куп во саботата го гледале 7.01 милион гледачи, што е пад за 26.6%. Од 2013 до 2019 година овој натпревар го гледале најмалку по 10 милиони луѓе.

Националната спортска телевизија исто така бележи пад на гледаноста од средината на мај, кога повторно започна Бундеслигата после пандемијата.

Средно по 3,3 милиони луѓе ги гледале ударните термини во гермнанската лига, што е многу помалку од вообичаените 4.81 милиони.