По серијата порази во АБА, меѓу кои беа двата на домашен терен против директните конкуренти за опстанок, Борац Чачак и Сплит, управата МЗТ и тренерот Александар Петровиќ се договорија предвреме да ја прекинат меѓусебната соработка.
Искусниот стратег својот трет мандат на сино-белата клупа го почна во март годинава, откако претходно беше предводник на нашиот тим во периодот помеѓу 2001 и 2007 година односно помеѓу 2009 и 2011 година.
Уствари викендов е затишје пред бура! ↓↓↓
Петровиќ минатата сезона ја одбрани домашната титула, а во АБА2 обезбеди промоција и покрај поразот во финалето на завршниот турнир против Златибор. Сезонава во Првата лига оствари учинок 9-1, но во јадранската конкуренција тимот оствари само две победи во вкупно 12 средби поради што е последнопласиран на табелата.
Засега не е познато кој ќе биде наследникот на Петровиќ, но се потенцира дека потрагата е веќе започната.
Учество во игри на среќа е дозволено за лица со 18+ години. Играј одговорно!