Официјално: Ливерпул му забрани на Салах да игра за Египет во Токио

Управата на Ливерпул и официјално го извести Египет дека нема да дозволат Мохамед Салах да биде дел од селекцијата за настапот на Летните олимписки игри во Токио.

Салах имаше желба да игра за својата репрезентација, но тоа нема да се случи затоа што мора да ги следи препораките од неговиот клуб. Причината поради која Ливерпул му забрани на Салах е што турнирот на ОИ е од 22. јули до 7. август, додека Премиер лигата стартува на 13.

„На почетокот на разговорите клубот не најави дека нема да го пушти. Како и да е ја почитуваме нивната одлука, иако Салах изрази голема желба да ни помогне и да биде со нас во Токио“, изјави првиот човек на египетскиот сојуз Ахмед Мегахед.