Официјално: Италија ја пречекува Македонија на „Ренцо Барбера“ во Сицилија!

Палермо и Болоња беа во игра, а а на крајот како и што се најавуваше дека Палермо е фаворит, овој град го доби бараж натпреварот помеѓу Италија и Македонија.

Како што е познато Италија и Македонија ќе играат во баражот за Светското првенство во Катар, а победникот ќе оди на гости кај подобриот од Португалија.

После последните проверки федерацијата донесе одлука нашиот натпревар со Италија да го играме на „Ренцо Барбера“ во Сицилија. Бараж натпреварот е закажан за 24. март во 20:45 часот. Oва ќе биде враќање за Александар Трајковски и Илија Нестровски на стадионот каде што поминаа убав период носејќи го дресот на Палермо.