Откриен планот на Перез: Модриќ заминува, доаѓа замена од Премиер лигата

Претседателот Флорентино Перез е спремен да направи значителни промени на тимот по завршувањето на сезоната.

Без разлика дали на кормилото ќе остане Сколари или ќе дојде нов тренер, јасно е дека на „кралевите“ им треба свежа крв и ќе направат значителни промени на тимот.

Шпанските медиуми тврдат дека Перез ќе му дозволи на Модриќ да замине бидејќи е веќе заситен и самиот сака да си оди. Но, „кралевите“ веќе ја пронајдоа замената за Хрватот, а тоа е Кристиан Ериксен.

Данецот на лето ќе влезе во последната година од договорот со Тотенхем, па „спарси“ ќе бидат приморани да го продадат, а Перез е спремен да понуди 60 милиони евра.

Покрај Ериксен, Реал ја сака и младата ѕвезда на Манчестер Јунајтед, Маркус Рашфорд кој оваа сезона е во „немилост“ на Мурињо. Англискиот репрезентативец добива мала минутажа и е спремен да ја промени средината, а неговата цена изнесува околу 60 милиони евра.

Рашфорд може да игра на повеќе позиции во нападот, а „кралевите“ се убедени дека пред него претстои блескава иднина.

Покрај овие двајца Реал Мадрид на лето сигурно ќе донесе и едно големо засилување во одбраната, а на мета се неколку врвни дефанзивци.