Откриено колкава казна ќе платат клубовите кои ја напуштија Суперлигата

Сума од цели 300 милиони евра ќе треба да платат клубовите кои ја напуштија Суперлигата, пренесува „Мундо Депортиво“.

Толку е казнената клаузула за клубовите кои ќе го напуштат проектот кој веќе го потпишале.

Поради настанатото незадоволство повеќе клубови со официјално соопштение потврдија дека ја напуштаат Суперлигата – Ливерпул, Арсенал, Манчестер Сити, Манчестер Јунајтед, Тотенхем, Челзи, Атлетикко Мадрид, Интер, Милан и Јувентус.

Меѓутоа, последните два клуба не потврдија дека излегувата категорично, туку само се дистанцираа од проектот.

Англиските клубови кои први ја напуштија Суперлигата веднаш ќе треба да платат казна од 10 милиони евра, а целосната сума ќе достигне до 300 милиони евра.