Откриено зошто Кансело не играл против Атлетико – му се правеле испитувања на срцето!

Во неделата се појави веста дека Жоао Кансело отпадна од списокот на Барселона за дербито со Атлетико Мадрид, а вистинската причина беше откриена 72 часа подоцна.

Според доверливи каталонски извори, лекарите на клубот го советувале Чави Ернандез да го повика Кансело на дербито со Атлетико, бидејќи сакале да ги направат сите детални прегледи за потенцијална срцева мана.

Имено, на близок роднина на Кансело му била дијагностицирана сериозна срцева мана, за која се вели дека е најчесто наследна, па лекарскиот тим на Барса одлучил да ги направи сите детални прегледи и да го отстрани и најмалиот сомнеж дека Португалецот го има истиот проблем.

Кансело оваа пауза доби зелено светло да игра за Португалија, но ќе го пропушти првиот меч со Шведска кој е закажан за вечерва, за пет дена ќе игра против Словенија.

Ова е секако одлична вест за Чави Ернандез во време кога Френки де Јонг и Педри се уште се надвор од терените, а Алехандро Балде и Гави одамна ја завршија сезоната.