Откриени детали: Познато колку Белингам ќе заработува во Реал

Се погласни се најавите дека Џуд Белингам ќе биде првото големо засилување за Реал Мадрид во летниот преоден рок кој следи.

Неодамна беше објавено дека Белингам постигнал договор со Реал Мадрид (ТУКА), но освен дека тој наводен договор би имал важност до 2029 не се откриваа повеќе детали од другите услови. Сега „Билд“ објави дека Белингам во Реал би заработувал 17.4 милиони фунти годишно или 334.000 фунти неделно.

Со оваа плата Белингам би бил втор најплатен фудбалер во Реал Мадрид по Еден Азар за кого „кралевите“ прават се за да се ослободат од него.

Претходно, беше објавено дека 19-годишникот ја одбил понудата од Борусија Дортмунд која изнесувала 230.000 фунти неделно.