Откриени астрономските плати на судиите за Мундијалот, но нема сите исто да заработуваат

Главните судии ќе заработуваат вистинско мало богатство.

Платите на фудбалските судии на Светското првенство во Русија се зголемени во однос на 2010. и 2014. година. Шпанските медиуми пренесуваат дека платата ќе зависи од тоа колку судиите се искусни и како котираат на ранг листата на судиите.

Така, оние најдобрите ќе имаат 57,000 евра и 2,500 за секој натпревар кој ќе го судат. Помошниците, од другата страна, ќе имаат 20,000 евра и 1,600 по натпревар.

Судиите пред Мундијалот, поточно на крајот на април, ќе имаат двенеделен семинар во Италија. По тоа, ќе биде одлучено кои натпревари ќе ги судат и кој ќе биде задолжен за ВАР.