Англиските медиуми пренесуваат дека Николас Отаменди ќе го напушти Манчестер Сити на крајот од оваа сезона.
Зошто проблемот со улични кучиња СÈ УШТЕ постои? | Уште еден поткаст
Отаменди пристигна на „Етихад“ летото 2015 година од Валенсија за 45 милиони евра. Сепак, аргентинскиот дефанзивец не игра во добра форма оваа сезона и Сити на лето сака да се ослободи од него.
Се чини дека ова нема да им претставува проблем бидејќи Отаменди неодамна ја покажа својата желба да го напушти англискиот клуб и да се врати во Аргентина. Овој 32-годишен стопер ја напушти Аргентина пред десетина години, кога се пресели во Порто и очигледно му е доста да биде далеку од дома.
Отаменди порасна во дресот на Велез Сарсфилд, а играше уште и за Порто, Атлетико Минеиро и Валенсија. За репрезентацијата на Аргентина одигра 70 натпревари и постигна 4 погодоци.