Осимен добил позитивен тест пред враќањето во Италија

Напаѓачот на Наполи Виктор Осимен добил позитвен тест на ковид-19 пред враќањето во Италија и ќе мора да оди во изолација.

Нигериецот се рехабилитираше од повредата на лицето меѓутоа сега ќе мора да паузира поради друга причина. Така Осимен ќе го пропушти дербито со Јувентус, а во слична ситуација е и Ирвинг Лозано кој добил позитивен тест Мексико.

Руиз и Инсиње од претходно имаат позитивни тестови и тие се очекува да биде во составот за дербито со „старата дама“.

Позитивниот тест на Осимен го комплицира и неговото учество на Афричкиот Куп на Нации кој стартува на 9. јануари.