Онана не крие: Мој прв избор е Барселона, тој клуб е мојот дом

Aндре Онана ќе си замине од Ајакс на крајот од сезоната, а бидејќи е слободен агент за неговите услуги има заинтересирано повеќе клубови.

Камерунецот има 25 години и пред него се најдобрите денвои во кариерата. Се поврзуваше со клубови од Италија, пред се со Интер, но голманот демантираше дека има било каков договор. Онана не криеше и ја издвои Барселона како клуб кој е негов прв избор.

„Ќе продолжам да бидам во контакт со Барселона. Одржувам добри односи откак оси заминав. Барса е мојот дом и секогаш сме биле во контакт. Секако, дека тие се мојот прв избор. Тој клуб е мојот дом и пораснав таму“, изјави Онана кој помина повеќе години во Каталонија каде што пристигна од академијата на Самуел Ето.