Озил ги отфрли шпекулациите: Останувам во Арсенал!

Германскиот фудбалер Месут Озил нема ништо против да остане во Арсенал.

Озил во моментов е еден од најплатените фудбалери на „Емирати“, но тој никогаш не успеа да ја пронајде вистинската форма, а во последните месеци се шпекулира дека ќе го напушти клубот.

Фенербахче се споменува како еден од заинтересираните клубови, но се чини дека Озил не оди никаде од Арсенал.

„Презадоволен сум од мојот договор и ќе продолжам да играм овде и следните сезони. Исто така, не можам да предвидам што ќе донесе иднината и затоа сум возбуден“ – изјави Озил.

Да потсетиме дека договорот на Озил со Арсенал истекува до 2021. година.