Одриазола: Не дојдов во Баерн за да го губам времето!

Новото засилување на Баерн Минхен, Алваро Одриазола го изрази своето задоволство за трансферот на „Алијанц Арена“.

24-годишниот десен бек не добиваше голема минутажа во Реал Мадрид, па реши да се пресели во Баерн на позајмица до крајот на сезоната.

„Сакам да му се заблагодарам на клубот што покажа интерес за мене. Чест и привилегија е да се игра за вака голем клуб како Баерн. Сум го гледал многу пати на телевизија и секогаш мечтаев да играм за овој клуб“, истакна Одриазола.

„Јас сум спремен. Не дојдов тука за да си го губам времето, дојдов да играм. Вистина е дека немав голема минутажа, но добро тренирав и сум комплетно спремен за игра. Веќе мислам за мечот со Шалке и би бил многу среќен ако играм“, додаде Шпанецот.

#FCBayern have signed @alvaroodriozola on loan until the end of the season ✍️#MiaSanMia pic.twitter.com/BDPRkTDLSi

— FC Bayern English (@FCBayernEN) January 22, 2020