Одложено 4. коло во првата кошаркарска лига

Oд кошаркарската федерација предмалку соопштија дека се одложува четвртото коло во македонската прва лига.

Четвртото коло така место на 11.11 ќе се игра три дена подоцна.

„Ве известуваме дека 4. коло од Првата лига-мажи, закажано за 11.11.2020 година СЕ ОДЛОЖУВА поради настап на екипите на КК Работнички и КК МЗТ Скопје Аеродром во АБА 2 лигата, настап на екипите на КК Куманово 2009 и КК ТФТ во БИБЛ лигата и излегувањето од изолацијата на екипите на КК Вардар и КК Пелистер на кој им е потребен одреден временски период за подготовка за следните натпревари.

Колото број 4 се презакажува за 14.11.2020 година, а останатите првенствени кола од Првата лига-мажи се поместуваат“, стои во соопштението.