Одлично купуваа, сега продаваат – Милан ја одреди цената за Бака!

„Росонерите“ оваа лето беа најактивниот тим на трансфер пазарот, но сега би можеле и добро да профитираат од само една продажба.

Ова лето седум засилувања пристигнаа на „Сан Сиро“. Од друга страна шест фудбалери го напуштија клубот, но Милан од нив заработи нешто помалку од осум милиони евра.

Заминаа Андреа Бјанчимано, Лука Видо, Матео Песина, Андреа Поли, Диего Лопез и Јурај Куцка. Најмногу заработија од Словакот кој направи трансфер во Трабзон. Сепак, сега „росонерите“ имаат шанса добро да заработат од напаѓачот кој го означија како вишок, Карлос Бака.

Изгледа дека за овој фудбалер сериозен интерес покажа Олимпик Марсеј кој има намера наредната сезона да се врати во врвот на францускиот фудбал. На „Велодром“ пристигнаа Валер Жермен (Монако) и Луис Густаво (Волфсбург), а откупени беа договорите на Клинтон Н’Жије (Тотенхем) и Флоријан Тован (Њукасл).

Милан за услугите на Бака бара 25 милиони евра, а ќе видиме дали Марсеј е спремен да ја плати оваа сума.

Ex West Ham target Carlos Bacca in talks to join Marseille. AC Milan asking for £25m

— Kaveh Solhekol (@SkyKaveh) July 8, 2017