Ова не е можно, не, ова не е реално: Какво лудило, каква завршница, сензационален шампион!

Тотална драма и лудило во белгискиот шампионат, поточно во групата за шампионот во последното коло.

Тоа е фудбалот, емоции, лудост. Во битка за титулата пред крајот на колото беа три екипи. Антверпен имаше 46 поени, колку и Ројал Унион, а Генк имаше 45 поени.

Иако пред крајот на колото беа на третото место со 45 бодови, Генк беше на прагот на титулата, а потоа шок, но да почнеме по ред.

Ројал Унион го пречека Клуб Бриж. На домаќините им беше потребен триумф во одлична атмосфера за титулата и големо славје, додека Клуб Бриж одигра натпревар за престиж.

Ројал водеше со 1:0 до 89. минута. Стрелец на водечкиот гол беше Адринга во 46. минута.

Во финишот кошмар за домашните. Најпрво Клуб Бриж израмни на 1:1 преку Хоме во 89. минута и во тој момент Генк беше шампион.

Дека работите може да бидат полоши за Ројал се покажа во 93. минута кога Ланг погоди за 1:2, а во 100. минута Сандра погоди за конечни 1:3 и триумф на Клуб Бриж.

Пазете го ова сега. Генк водеше со 2:1 до 93. минута против Антверпен и го чекаше резултатот од вториот натпревар и кога Клуб Бриж поведе, Генк беше шампион во тој момент, а потоа следуваше лудило. Во 95. минута преку искусниот Алдервирелд, Антверпен доаѓа до 2:2 и титулата шампион во финиш што веројатно повеќе нема да го видиме во европскиот фудбал!

Во 88. минута Ројал ја имаше титулата, а во 93. шампион беше Генк, а на крајот Антверпен го отвори шампањот.

Каков финиш во Белгија за паметење и филмско сценарио!

🏆 𝘾𝙃𝘼𝙈𝙋𝙄𝙊𝙉𝙎 – R. Antwerp FC writes history! 🔴⚪️#jupilerproleague #championsplayoffs #gnkant pic.twitter.com/zvHujAxfnd

— Pro League (@ProLeagueBE) June 4, 2023