Ова е главната мета на Јувентус во јануари!

Јувентус се подобро во последно време. Во Серија А ја намали разликата на само еден бод од Наполи, а во ЛШ е блиску до пласман во наредната фаза.

Сепак, тренерот Масимилиано Алегри сака додатно да го засили тимот во зимскиот преоден рок, а италијанските медиуми ја открија главната трансфер мета на „бјанконерите“.

Прв пик е ѕвездата на Лацио Сергеј Милинковиќ – Савиќ за кого „старата дама“ се интересираше и во летниот преоден рок. Лотито тогаш одби понуда од 50 милиони евра од „бјанконерите“ и јавно изјави дека Србинот вреди многу повеќе.

Сергеј неодамна го продолжи договорот со Лацио до 2022 година, па Јувентус сигурно ќе треба добро да го одврзе кесето, но и да се избори со конкуренцијата.

Имено, за српскиот репрезентативец силен интерес покажуваат уште и гигантите од Манчестер, па јасно е дека само прашање на време е кога Сергеј ќе го напушти Рим.