Астори починал од наследна болест, тоа што бил спортист само ја влошило ситуацијата

Италијанските власти објавија нов поопширен извештај за изненадувачката смрт на капитенот на Фиорентина, Давиде Астори.

Утврдено е дека Астори на 32 години починал од аритмија која се појавила поради кардиопатија која не може да се открие само во 20% од случаите. Токму поради тоа што постоела голема шанса неговиот проблем да биде откриен, случајот и понатаму е отворен.

Извештајот е објавен од универзитетот во Падова кој е водечки во светот на патологијата. Тука се истражувани повеќе од 800 случаи на изненадувачка смрт кај луѓе помлади од 35 години од кои околу 100-тина биле спортисти. Четвртина починале од аритмија предизвикана од кардиопатија која е наследна болест, а кај оние кое кои се занимаваат со спорт шансите за смрт се зголемуваат за пет пати.

Иако веднаш беше утврдено дека не станува збор за насилна смрт италијанската полиција по закон беше должна да отвори истрага против „непознат сторител“ се додека не бидат откриени сите детали.