Објавена фотографија од прстот на Хаверц: Еве зошто Тухел го замени

Челзи го совлада Тотенхем со 2-0 во првиот меч од полуфиналето во Карабао Купот. „Сините“ играа одлично во текот на целиот натпревар, па ја искористија слабата одбрана на противникот за да триумфираат.

Домаќините по пет минути игра успеаа да поведат, кога Каи Хаверц ја затресе мрежата на Тотенхем, но притоа го скрши прстот.

Германскиот фудбалер шутираше, по што налета на неколку играчи на Тотенхем и му настрада прстот, а фотографите направија една не толку пријатна фотографија.

Тренерот Томас Тухел уште на полувреме го повлече Хаверц за да не се влоши ситуацијата со прстот, а ова потсети на Карим Бензема, кој си го скрши прстот против Бетис.