Обложувалниците тврдат: Ова се двата фаворити за потписот на Вилиан!

Бразилецот Вилиан игра одлично сезонава во дресот на Челзи, но без оглед на фактот дека е еден од најдобрите играчи на „Плавите“, менаџерот Антонио Конте често го изоставува од стартниот состав.

Како што се наведува, незадоволството на бразилскиот фудбалер е на високо ниво и тој е подготвен да го напушти клубот во летниот преоден рок.

Обложувалниците така понудија обложување за тимот во чии редови ќе замине Вилиан. Имено, главни фаворити за доведување на овој фудбалер се Милан и Манчестер Јунајтед.

Како што се наведува, тој веќе има понуди од овие два тима, но се уште не ја донел конечната одлука за продолжувањето на својата кариера.

Покрај Милан и Јунајтед, интерес за неговите услуги покажуваат и Реал, Барселона како и ПСЖ.

Вилиан оваа сезона во 42 настапи за лондонскиот клуб, запиша 12 погодоци и 10 асистенции.