Нов хаос во Јувентус: Се заканува одземање на нови 20 бода?!

На Јувентус веќе му се одзмеаа 15 бодови со одлука на сојузот како казна за наводни финансиски малверзации на поранешното раководство.

Многумина се огласија, дури и играчи како Роналдо и Дибала. Сведочењето на Аргентинецот привлече многу внимание затоа што отворено зборуваше за се што се случувало, додека Роналдо планира да го тужи клубот.

Одземените 15 бодови скоро и да ја затворија вратата на Јувентус за место во Лигата на Европа или Лигата на шампионите. Меѓутоа тоа не се единствените проблеми. Играчите не се задоволни затоа што иднината на клубот не е целосно јасна и веќе побарале состанок со сопственикот на клубот Џон Елкан.

„Кориера дело Спорт“ денес пренесува уште полошо вести за „старата дама“, а тоа е дека италијанската фудбалска федерација би можела да го казни Јувентус со дополнителни 20 бодови поради нерегулираните плати.

Првата казна од -15 бодови беше за непријавени исплати на фудбалерите, а втората може да биде уште потешка. Ваквата казна би можела да значи испаѓање на Јувентус во Серија Б. Сослушувањето е закажано за март, додека одлуката ќе се донесе помеѓу април и мај.

Јувентус во овој момент има 23 бодови, па затоа е јасно каков удар би биле дополнителни 20 бода одземени. Во Серија А се одиграа 20 кола и „бјанконерите“ ќе мора дополнително да го подигнат нивото на својата игра за да бидат сигурни и да не стравуваат од испаѓање колку и тоа неверојатно да звучи.