Нов скандал во Торино: На фудбалер на Јувентус му се заканува суспензија од три години!

Само една недела откако Пол Погба падна на допинг-тест, нова афера го тресе најтрофејниот италијански клуб.

Сега во центарот на вниманието е Николо Фаџоли кој е обвинет за обложување. Добро познато e дека професионалните фудбалери немаат право да се обложуваат поради влијание на исходот на натпреварите, а изгледа дека Фаџоли тоа правило на ФИФА и УЕФА не го почитувал.

Италијанецот бил под лупа повеќе месеци со постапката се запознаени и адвокатите на Јувентус и се чека да се изнесат доказите против младиот фудбалер.

Казната ако се потврдат обвинувањата може да изнесува дури и 25.000 долари, како и суспензија на три години. Фаџоли има 22 години и таква суспензија може да биде навистина тежок удар за него.