Нов кикс на Французите – срамен картон за Марио Балотели

Нов кикс на судиите во Франција.

Иако од Марио Балотели сме навикнати да прави инцидентите и добива заслужени картони овој пат беше направена неправда кон италијанскиот репрезентативец.

Имено во текот на натпреварот помеѓу Ница и Дижон кој заврши со победа на Дижон од 3:2 Балотели не успеа да се запише во листата на стрелци, но неговото име се најде во бележникот на главниот арбитар.

Сигурно многумина би претпоставиле дека поранешниот напаѓач на Интер, Милан, Манчестер Сити и Ливерпул повторно направил некаква глупост, но тоа овој пат не беше случај.

Имено, тој во 72 минута од натпреварот гестикулираше кон навивачите на Дижон да престанат со расистичките навреди. Потоа Италијанецот одлучи да се пожали и кај главниот судија, Никола Ренвил, па си доби жолт картон.

Навистина неверојатен потег од страна на главниот арбитар. Прашање е дали воопшто го слушал Балотели или пак одлучил на основа на неговата репутација да го опмени.

По повод овој картон се огласи и Ница преку својот официјален Твитер профил.

„Во меѓувреме, Балотели доби жолт картон бидејќи му здосади да ги слуша расистичките навреди“, стои во објавата на клубот.

Dans l’intervalle, Mario Balotelli a hérité d’un carton jaune, après… s’être agacé d’insultes racistes du public. pic.twitter.com/5C1V8MXBYq

— OGC Nice (@ogcnice) February 10, 2018