Ново засилување за МЗТ – Стајиќ се врати во Аеродром

Шампионот на Македонија, МЗТ Скопје потпиша со талентираниот плејмејкер, Бобан Стајиќ кој по две години се враќа во Аеродром.

Станува збор за талентиран плејмејкер, кој изминатите две сезони успешно настапуваше во таборот на Фени индустри.

Стајиќ беше член на „металците“, и тоа периодот од 2013 до 2015 година. Претходно, тој настапуваше за скопска Лирија со која всушност дебитира на прволигашката сцена.

Стајиќ е второто засилување за МЗТ Скопје Аеродром во летниот преоден рок, по некогашниот капитен на тимот, Дамјан Стојановски. Под договорна обврска со шампионот во моментов уште се и Марко Симоновски, Адем Мекиќ и Ксавиер Темс. Нов тренер на екипата е Александар Тодоров.