Унгарскиот фудбалер Барнабас Варга заработи повеќекратни скршеници на коските на лицето на натпреварот против Шкотска на ЕП и најверојатно ќе биде опериран, соопшти денеска Фудбалскиот сојуз на Унгарија.
Улични кучиња: Системски или човечки проблем? | Уште еден поткаст
Во 68. минута од натпреварот помеѓу Унгарија и Шкотска во Штутгарт, Барнабас Варга жестоко се судри со шкотскиот голман Ангус Ган. Тој доби силен удар во лицето, а потоа неговата глава удри во земјата кога падна.
По првата помош на теренот, опкружен со соиграчи кои држеа ќебе за да го сокријат од камерите, Варга бил пренесен во болница.
„На Варга му беа скршени неколку коски на лицето. Исто така се здоби со потрес на мозокот. Најверојатно ќе биде опериран“, соопштија од унгарската федерација.
Унгарија со гол во судиското надополнување ја победи Шкотска со 1:0, а таа победа соиграчите му ја посветија на Варга.
„Беше ужасен момент, да се види Барнабас во таква состојба. Се боревме за него, сакавме да победиме за него и среќни сме што успеавме да го постигнеме тоа. Победата е за него“, изјави унгарскиот играч за врска Роналд Шалаи.
Учество во игри на среќа е дозволено за лица со 18+ години. Играј одговорно!