Новинар од Чиле зборуваше за иднината на Алексис Санчез

Ова е најлошата сезона во кариерата на Алексис Санчез.

Од некој кој требаше да биде најдобар играч на овој Манчестер Јунајтед и предводник на теренот, до играч кој само еднаш ги одигра сите 90 минути во сезоната и тоа на самиот старт против Лестер, 10. август.

Дали останува?

Тешко е да се каже од оваа перспектива, а Макс Карденас, еден од чилеанските новинари, откри дека постои можност да остане и се да започне од почеток.

„Најлоша сезона во Европа за Алексис, како и за целиот тим. Многу фактори постојат за тоа, повреди, стилот на тренерот, критиките поради платата. Ако сака, тој ќе се обиде повторно, а постои можност и да побара нов клуб, каде што повторно би можел да биде среќен“, напиша новинарот.

До сега се зборуваше само за заминување, сега во медиумите се пишува и за останување. Но, главното прашање е дали Алексис Санчез заслужува шанса или не.