Новиот менаџер на Манчестер Јунајтед, Ерик тен Хаг својот прв меч на клупата на „црвените ѓаволи“ ќе го има против најголемиот ривал, eкипата на Ливерпул.
Станува збор за пријателски натпревар како подготовка за новата сезона. Натпреварот е закажан за 12 јули во Бангкок.
Кој ќе тепа на Ел Класико!? ↓↓↓
По тој натпревар Манчестер Јунајтед ќе се пресели од Тајланд во Австралија и таму ќе одигра уште три пријателски натпревари: на 15 јули против Мелбурн Викторија во Мелбурн, на 19 јули против Кристал Палас исто така во Мелбурн и на 23 јули против Астон Вила во Перт.
По враќањето во Европа, тимот на Јунајтед ќе одигра пријателски натпревар во Осло против Атлетико Мадрид.
Под водство на Оле Гунар Солскјер, Мајкл Керик и Ралф Рангник, Манчестер Јунајтед ја заврши сезоната на скромното шесто место во Премиер лигата со слаб учинок од само 58 поени и дури 12 порази. Исто така, немаше позитива за гол разлика (57:57) за прв пат по сезоната 1989/90 (-1). Следната сезона „црвените ѓаволи“ ќе играат во Лигата на Европа.
Поранешниот тренер на Ајакс потпиша договор со Јунајтед до јуни 2025 година.
Учество во игри на среќа е дозволено за лица со 18+ години. Играј одговорно!