Ништо од Милано, Фабрегас се сели во Париз

Главна трансфер цел на Пари Сент Жермен во зимскиот преоден рок ќе биде квалитетен играч за врска.

Тренерот Тухел уште во летниот преоден рок бараше засилување на таа позиција, а сега откако „отпадна“ и Рабио, клубот сигурно мора да донесе најмалку квалитетен играч за врска.

ПСЖ во зимскиот преоден рок нема да може да троши големи суми поради Финансискиот фер-плеј, па поради тоа главна цел ќе биде Цеск Фабрегас.

Шпанецот има уште 6 месеци договор со Челзи и може да ја промени средината во јануари за „симболична“ сума, а „светците“ во него гледаат идеална замена за Рабио.

Фабрегас долго време се поврзуваше со трансфер во Милан, но „Екип“ пренесува дека сега ПСЖ е во пол-позиција за неговиот потпис, бидејќи му нуди финансиски подобри услови и играње во Лигата на шампиони.