Не му биле доволни 20 милиони евра: Брозовиќ им побарал повеќе пари на Саудијците

Иако изгледаше како завршена работа, сепак изгледа дека Марсело Брозовиќ ја одбил понудата од Саудиска Арабија да премине во редовите на Ал Наср на Роналдо.

Италијанските медиуми пренесуваат дека хрватскиот играч за врска место понудените 20 милиони евра по сезона, побарал десет повеќе.

Интер минатата недела постигна договор за да го продаде за 23 милиони евра и се чекаше одобрување од фудбалерот за се да биде официјално потврдено. Сепак, сега пристигнуваат информации дека Брозовиќ барал 30 милиони евра и трансферот се доведува во прашање.

Претходно тој се поврзуваше и со Барселона, меѓутоа јасно е дека ако се одлучи за Каталонците тогаш не може да бара ниту приближно до понудените 20 со оглед на финансиската ситуација во Каталонија.

Marcelo Brozović won’t accept current proposal from Al Nassr. Salary bid has to be improved to make it happen. 🟡🔵 #transfers

Inter agreed €23m deal with Saudi side but deal only depends on the player since Sunday. pic.twitter.com/tYLt6Il3zg

— Fabrizio Romano (@FabrizioRomano) June 27, 2023