Нејмар: Доволни ми се два тима и топка да бидам среќен

Бразилскито фудбалер Нејмар остана во ПСЖ и покрај големите напори на Барселона да го ангажира.

Во текот на летото Барселона имаше желба да го врати Нејмар и Бразилецот сакаше повторно да заигра за Каталонците, но во ПСЖ не сакаат лесно да се откажат од неговите услуги.

Нејмар прашање за својата иднина доби и вчера против Галатасарај во натпреварот кој ПСЖ го доби со 5:0. Нејмар во овој натпревар постигна гол и запиша две асистенции.

„Дали сум среќен во ПСЖ? Среќен сум секаде каде што играме фудбал. Она што најмногу го сакам е да излезам на терен без разлика за кој тим. Кога има два тима и топка јас сум среќен“, изјави Нејмар.

Оваа сезона Нејмар не играше премногу поради проблеми со повредите, настапи на осум натпревари во Лига 1 и успеа да постигна осум гола.