Нешто не е во ред меѓу Обамејанг и Дортмунд – напаѓачот исфрлен од тимот

Ѕвездата на Борусија Дортмунд, Пјер Емерик Обамејанг денес беше исфрлен од тимот и нема да биде во составот за натпреварот против Штутгарт.

Според официјалните информации од клубот се решиле на ваква одлука поради недостаток на дисциплина кај Обамејанг, меѓутоа не открија детали.

Првично Обамејанг беше дел од групата за утрешниот меч на „милионерите“ против Штутгарт, но потоа беше остранет.

.@Aubameyang7 wurde aus disziplinarischen Gründen für das morgige Spiel aus dem Kader gestrichen. #vfbbvb https://t.co/GoY4cZvskO

— Borussia Dortmund (@BVB) November 16, 2017

Ова не е првпат раководството на Борусија Дортмунд да го дисциплинира Габонецот. Слична дисциплинска казна заработи и лани, кога се шпекулираше дека ќе си замине од клубот.

Обамејанг во моментов е во голгетерска криза и повеќе од 400 минути нема постигнато гол, но има одлична статистика – оваа сезона постигна 15 гола на 17 натпревари.