Немилосрдните Кинези се ослободија од легендарниот Капело

Еден од најголемите европски тренери Фабио Капело остана без ангажман.

Капело летото 2017. година го презеде Јангс Сунинг, меѓутоа овој кинески прволигаш под негова палка во првите три кола оствари победа и два порази, па Италијанецот мораше да си ги спакува куферите.

Како што пренесуваат бројните светски медиуми, поради лошите резултати на стартот на шампионатот, челниците на Јангс Сунинг денес донесоа одлука спогодбено да се разделат со Капело.

Веќе на големо се погодува за наследникот на Капело. Тоа, како што стојат работите ќе биде романскиот стратег, Космин Олароиу, кој работеше долга низа години во нафтените држави.