Дома Фудбал Нема повеќе дилеми: Бразилецот не е дел од филозофијата на Емери за ПСЖ

Нема повеќе дилеми: Бразилецот не е дел од филозофијата на Емери за ПСЖ

Додека ПСЖ не почна да носи засилувања од 185 и 222 милиони евра, Лукас Моура беше стандарден член во првиот состав на овој клуб. Меѓутоа, кога почна тоа да се случува, падна во трети план.

Моура некогаш беше голема фудбалска надеж, а во ПСЖ стигна пред три години од Сао Паоло за 40 милиони евра. Се одеше по планот додека на клупата на Парижаните не пристигна Унаи Емери, кој го елиминираше.

Бразилецот оваа сезона настапи на само пет натпревари во Лига 1 на кои собра вкупно 71 минута, а за тоа време постигна еден погодок и успеа да запише една асистенција.

ПСЖ одлучи да го испрати најпрво на позајмица, а потоа најверојатно ќе го продаде. На пролет ќе го гледаме сигурно во некој друг клуб, а за него не е мал интересот воопшто.

Него го бара Малага, но и неколку кинески екипи, па останува да се види што ќе се случи со 25-годишниот Бразилец.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…