„Нема да дозволам ВАРентино да ја контролира Ла Лига“

Тони Фреиша продолжува со агресивната кампања за прв човек на Барселона.

Прво вети 250 милиони евра за засилувања и доведување на звучни имиња сега јавно го нападна претседателот на Реал Мадрид, Флорентино Перез.

На автобуските станици и метрото во Барселона се појавија повеќе плакати, а еден беше упатен лично до Перез.

„Нема да дозволам ВАРентино да ја контролира Ла Лига“.

Покрај напаѓањето на Перез на плакатите се најде и името на Жоан Лапорта. Фреиша му замерува на неговиот противкандидат затоа што не сака да се појави на дебата и го потсетува на хаосот кој го направи неговиот поранешен соработник Жоан Оливер во ФК Реус (клубот го однесе во банкрот).