Нема веќе надеж за Русија: Полска оди во финалето во баражот за СП

Репрезентацијата на Полска дефинитивно ќе биде финалист во мундијалскиот бараж за пласман на СП во Катар.

Последниот обид на Русија беше жалбата пред Арбитражниот суд во Лозана, но на крајот и таа не помина. Арбитражниот суд во Лозана ја потврди одлуката на УЕФА Русија да биде суспендирана на неодредено време и поради тоа нема да може да го играат баражот со Полска.

Се шпекулираше претходно дека при вакво сценарио може Полска да добие нов противник но тоа нема да се случи, оваа репрезентација оди во финалето за пласман на СП каде што ќе игра против подобриот од пресметката помеѓу Шведска и Чешка.