Невил: Ако Сити го доведеше Кејн немаше да има конкуренција

Поранешниот играч на Манчестер Јунајтед, Гери Невил смета дека „граѓаните“ немаше да имаат конкуренција доколку ова лето го доведеа Хари Кејн.

Манчестер Сити исппрати неколку понуди до Тотенхем за услугите на напаѓачот, но „спарси“ одбија да ја продадат својата најголема ѕвезда.

„Манчестер Сити има проблем со реализацијата. Да, против Ливерпул постигнаа два гола, но имаа проблеми во нападот. Тоа може скапо да го чини тимот на крајот на сезоната“, истакна Невил.

„Дали нема да успеат само поради тоа што немаат напаѓач кој ќе им постигне меѓу 25 и 30 голови? Знам дека Пеп сака да игра со многу играчи за врска, но ако овој Сити го имаше Кејн, просто ќе немаа конкуренција“, заклучи Невил.