Неверојатно: Како се објаснува ваква радост за постигнат погодок? (Видео)

Изминатиот викенд беше одиграно деветтото коло од англиската Лига 2, а освен мноштвото ефикасни и интересни средби, беше забележано и нешто сосем бизарно, а тоа беше прославата на голот на фудбалерот Нотс Каунти.

Екипата на свој терен го дочека тимот на Линколн Сити и оствари убедлива победа со резултат 4:0. Вистина, во тоа помогна и фудбалерот на гостите Били Нот, кој во 28. минута заработи црвен картон.

Се играше 55. минута, на семафорот стоеше 1:1, а потоа следеше „шоуто“ на Мат Тутл, фудбалерот на Нотс Каунти.

Прво одлично прецизираше за својот тим и го совлада противничкиот голман, а потоа следеше необјаснива прослава.

Тој падна на колена, па се сруши на тревникот, и навистина со бизарни потези славеше. Неговата прослава стана хит на интернет страниците во Англија, а никому не му е јасно што претставуваше.