На три дена пред првиот натпревар во Ла Лига Барселона има 11 регистрирани играчи

Сезоната во Ла Лига започнува овој викенд, а Барселона првиот натпревар го игра во недела на гости против Гетафе.

Така на три дена пред првиот официјален натпревар, Барселона има 13 регистрирани играчи кои всушност се 11 затоа што клубот ќе го напуштат Дембеле и Кеси.

Токму нивните заминјувања на Барселона и овозможува да го заврши процесот на регистрација на играчите бидејќи така се ослободува буџетот за плати.

Да бидат регистрирани чекаат: Иниго Мартинез. Илкај Гундоган, Ориол Ромеу, Роналд Араухо, Алехандро Валде, Маркос Алонсо, Серхи Роберто, Ињаки Краг и Ез Абде. Во случај регистрацијата да не биде завршена на време како слободни играчи со своите клазули можат да заминат Мартинез и Гундоган.

Според информациите на шпанските медиуми утре е последниот ден во кој Барселона може да регистрира фудбалери.