На Милан му треба итно дефанзивец, спреми 25 милиони

Милан има големи проблеми со повреди на дефанзивните фудбалери и сака што поскоро да донесе засилување за одбраната.

Откако стана јасно дека Кјаер ќе отсуствува до крајот на сезоната, синоќа се повреди и Томори, кој ќе мора да оди на операција.

Италијанските медиуми тврдат дека примарна цел на Милан е Глеисон Бремер од Торино. 24-годишниот Бразилец игра одлична сезона и се етаблираше во еден од најдобрите дефанзивци во Серија А.

Торино не сака да го продава на средина од сезоната, но Малдини инсистира и веќе спремил понуда.

„Росонерите“ се спремни да понудат 25 милиони евра и во Торино да го испрати Пелегри на позајмица, па сега се чека одговор од „биковите“.