На Кавани му е доста сака трансфер, во игра враќање во Серија А!?

Како што тврдат медиумите во Франција, Едисон Кавани побарал да го напушти клубот дури се заканил и со бојкот доколку не го продадат.

Едисон Кавани ќе побара да биде продаден наредното лето. Наводно, Кавани е спремен на бојкот доколку Нејмар остане, а клубот не го пушти да замине.

Последните случувања на натпреварот против Дижон го убедиле Кавани дека Нејмар едноставно може да прави што сака и дека „Матадорот“ повеќе нема што да бара во Париз.

Според информациите од Франција, но и од Италија негова желба е Јувентус или пак враќање во Наполи каде што му живеат децата.

Јуве покажуваше голем интерес за Кавани пред две години, се шпекулираше дека парите вложени во Игауин на почетокот биле наменети за Кавани, но Уругваецот не сакал да разговара.