Најбогатиот Британец потврди дека сака да го купи Манчестер Јунајтед

Милијардерот Џим Ратклиф, кој е познат како најбогатиот Британец е првиот кандидат за купување на акциите на Манчестер Јунајтед.

Денес неговата компанија „Ineos“ официјално за „Тајмс“ потврди дека покажува интерес и го започнале процесот за купување на акции од Манчестер Јунајтед.

Семејството Глејзер, кое е сопственик на Манчестер Јунајтед последните 17 години во ноември потврди дека клубот е на продажба. На почетокот на февруари сите кандидати треба да ги достават понудите, а се тврди дека сопствените бараат 5 милијарди фунти.

70-годишниот Ратклиф е фан на Манчестер Јунајтед од дете, а беше и еден од кандидатите за да го купи Челзи, но не успеа да ја подобри понудата од Тод Боели, кој за клубот од „Стенфорд Бриџ“ плати 4,25 милијарди фунти.

Неговата компанија веќе е сопственик на два клуба, француска Ница и швајцарскиот Лозана Спорт.

🔺 EXCLUSIVE: Ineos have entered the bidding process to buy Manchester United. Sir Jim Ratcliffe, one of Britain’s richest men, has confirmed that he is officially in the running to buy the club from the Glazers https://t.co/6DN6BhivL6

— Times Sport (@TimesSport) January 17, 2023