Португалскиот фудбалер Нани официјално ја заврши својата епизода во Лацио, каде што и не се наигра.
Нани во римскиот клуб помина година дена на позајмица од Валенсија, а по завршувањето на сезоната управата на Лацио заклучи дека 31-годишниот играч не ги исполни очекувањата и се откажа од откупувањето на договорот.
Шанса да станеш YouTuber! Приклучи се! ↓↓↓
Поранешниот играч на Манчестер Јунајтед се врати во Валенсија, каде што го раскина договорот со клубот и договори трансфер во Спротинг. Нани потекнува од лисабонскиот клуб, а ова нема да му биде прво враќање. Прво за Спортинг играше од 2005. до 2007. година, кога во голем трансфер се пресели во Манчестер Јунајтед, а во сезоната 2014/15 се врати на позајмица.
Нани во кариерата одигра 112 натпревари за репрезентацијата на Португалија и е член на златната генерација на Европското првенство во Франција 2016. година.