Навивачите на Рома бесни на фудбалерите: Вие сте платеници и го срамите клубот!

Рома вчера освои само бод во Фиренца против Фиорентина, што и не е толкава катастрофа, но самата игра на „волчицата“ беше под нивото, а тоа доведе до незадоволство кај голем број навивачите на римскиот клуб.

До бодот Рома стигна во финишот кога Флоренци погоди за 1:1.

На само 600 метри од стадионот „Артемио Франки“, навивачите од Рим пред влегувањето во возот скандираа против фудбалерите на кои им замеруваат за недовлно залагање.

„Вие сте платеници“ и „Го срамите клубот“, скандираа навивачите кои очигледно беа разоларани од комплетната ситуација. Тие бараат од играчите повеќе да се залагаат и да започнат да победуваат.

Нов натпревар Рома ќе игра во средината на неделата кога во рамките од Лигата на шампионите ќе гостува на ЦСКА Москва.