Навивачите на Малме се откажаа од Ибра: Твојата статуа повеќе не е важна…

Златан Ибрахимовиќ купи дел од шведски Хамарби.

Легендарниот напаѓач стана еден од сопствениците на овој клуб. Тој купи една четвртина од акциите и порача:

„Ќе му помогнам на Хамарби да стане најдобриот клуб во Скандинавија“.

Сепак, фактот што тој купи акции на голем ривал не им се допаѓа на навивачите на неговиот поранешен тим Малме.

Човекот на кој неодамна му направија и статуата пред стадионот веќе не постои за нив…

“Златан го загуби значењето во Малме. Тој смета дека ќе бидеме среќни за тоа што го направи. Не. Неговата статуа не значи ништо повеќе, бидејќи тој сака друг клуб да биде подобар од оној што го создаде. Тој сега е само играч кој е продаден за 80 милиони круни“, порачаа навивачите на Малме.