Му пропаднаа трансфери во Интер и Наполи, а сега преговара со Милан

Српскиот фудбалер Лазар Самарџиќ ќе има и трет обид да замине од Удинезе. Претходно беше блиску до Интер и Наполи, но на крајот најмногу поради неговиот татко тие трансфери пропаднаа.

Таткото на Самарџиќ во последен момент се обидуваше да извлече повеќе пари, а сега на ред дојде Милан кој сака да го доведе. Според последните информации преговорите веќе започнале.

Првите разговори помеѓу Милан и агентот на Самарџиќ биле позитивни и во неделата која следи би требало да има нови.

Сепак, пред да го доведе Самарџиќ, Милан ќе мора да продаде и еден играч од средниот ред.